Şeyhi

Gazel
1) Hokka-i yakûtdan mühr açduğınca zer saçar Ya'ni dilber söze gelse dürr ü gevherler saçar
2) Sünbülin saldukça gül-berg üzre ol mâh-ı Huten Sanki âhû deşt-i Çîn üstine müşk-i ter saçar
3) Zülfi dâmı halkasında nokta-i hâli anuñ Dânedür kim sayd-ı murg-ı cân içün dilber saçar
4) Sebzede salinsa servi ol büt-i lâle-ruhun Gül tabaklar pür kılup üstine la'l ü zer saçar
5) Yâ Rab ol şîrîn-lebüñ ne zevki var kim zikrini Kanda tekrar itse dil şîr akidur şekker saçar
6) Ravzada Rıdvan eger nukl-ı lebini nakl ide Cûy-ı cennet ol safadan cûş idüp cevher saçar
7) Dürleri medhinde nazmum bahrdur lü'lü'-nisâr Şarı sevdâsında şi rüm 'âleme 'anber saçar
8) Ruhları vü ağzını zikr itse Şeyhî sebzede Gonca dem-beste kalur u gül safadan der saçar