Zimanname Cild 1

“Şiyana lêpirsînê, girîng e. Li civakekê, ev şiyan çi qasî bi hêz be, ew civak hingî ewqasî bi pêş dikeve. Ji ber ku lêpirsîn, pêvajoya têgihîştin û keşifkirinê ye. Têgihîştin û keşif; zanînê, zêde dike. Zanîn, serçaviya serkevtin û pêşkevtinê ye. Min gelek pirs ji xwe kir, ji pirtûk û belgeyan kir, ji pisporan kir û ji kesayetên siyasî yên kurd kir. Ji kesayetên kurd, min bêtir di derbarê bikaranîna zimên de pirs kir û min xwest bizanibim, para me çi ye di rewşa îroyîn de? Di wan bersivan de jî agahiyên girîng û balkêş hene, ku dê di cilda duyem de werin weşandin. Min zêdetirî bîst hevpeyvîn çêkir.Bi salan e, komeka pirsên ku ez li dû me, bersivên wan di vê xebatê de ji bo min hinekî diyar bûn. Dikarim bibêjim, ev xebata li ber destê we, berhema wan pirsan e.”